ಬಣ್ಣಗಳಿಂದ ತುಂಬಿದ ಬದುಕು ನಮ್ಮದು,
ಕಣ್ಮುಂದೆ ನೂರೆಂಟು ಚೆಂದದ ಬಣ್ಣಗಳು..
ಹಸಿರುಟ್ಟು ನಗುವ ಭೂಮಿತಾಯಿಯ ಮೆಚ್ಚದವರು ಉಂಟೆ ..
ಮುಂಜಾನೆ ಮಂಜನು ಹೊತ್ತು ನಗುವ ಮಲ್ಲಿಗೆಯ ಮೊಗ್ಗ ಇಷ್ಟ ಪಡದವರು ಉಂಟೆ..
ಇನ್ನು ಸಂಜೆ ಮುಳುಗುವ ಸೂರ್ಯ ಬಿಡಿಸುವ ಆಕಾಶದ ಚಿತ್ರವ ಮರೆಯಲಾಗುವುದೇ..
ಹೀಗೆ ವರ್ಣಿಸಲು ಹೊರಟರೆ ನೂರೆಂಟು ಬಣ್ಣಗಳುಂಟು ಅಲ್ಲವೇ ?
ಇವೆಲ್ಲ ಸೇರಿ , ಕೂಡಿ ಒಂದು ಅಮೋಘ ಬಣ್ಣವನ್ನು ನಮಗಾಗಿ ನೀಡಿದೆ ..
ಅದೇ ನಮ್ಮ ಬದುಕೆನ್ನುವ ಸುಂದರ ಬಣ್ಣ , ನಮ್ಮ ಬಾಳೆನ್ನುವ ಬಣ್ಣಿಸಲಾಗದ ಬಣ್ಣ :)