ನಿನ್ನದೇ ನೆನಪು ನಿನ್ನದೇ ಕನಸು ,
ನಿನ್ನದೇ ಬಿಂಬ ಕಣ್ಣ ತುಂಬಾ ..
ನೀ ಛಿದ್ರ ಮಾಡಿ ಹೋದ ಮನವೆಂಬ ಕನ್ನಡಿಯಲ್ಲಿ ..
ಎಲ್ಲಿ ನೋಡಿದರು ನಲ್ಲ ನಿನ್ನದೇ ಬಿಂಬ ..

ಎಷ್ಟು ಚಿಂತಿಸದರೇನು ಬಂತು ,ಬರುವವನಲ್ಲ ನೀ ಮತ್ತೆ ತಿರುಗಿ ..
ನಿಜವ ಒಪ್ಪಲಾರದ ಮನವಾಯ್ತು ಕಲ್ಲು ,ನಿನ್ನದೇ ನೆನಪಲ್ಲಿ ಮರುಗಿ ..
ಒಬ್ಬಂಟಿಯಾಗಿ ಇರಬಲ್ಲೇನೆ ನಾನು , ಎಂಬ ಸಂದೇಹವೇ ನಿನಗೆ ಗೆಳೆಯ ?
ಬಾಳ ಬಲ್ಲೆನು ನೀನಿರದೆ ಸುಖವಾಗಿ , ಬೇಕಾಗಿದೆ ಸ್ವಲ್ಪ ಸಮಯ ..!!

ಕಲ್ಲು ಬಂಡೆಯಾಗಿರುವ ಮನಕೆ ಬೇಕಿರುವುದು ಕೇವಲ ಸಹಾನುಭೂತಿಯಲ್ಲ..
ನಿನ್ನದು ಹುಸಿ ಪ್ರೀತಿಯೆಂಬ ನಿಜ ತಿಳಿದಾಯ್ತು ಬಹು ಬೇಗ,ಮುಂದಡಿಯಿಡಲು ನನಗೆ ಅಷ್ಟೇ ಸಾಕಲ್ಲ!