ನೆನಪು

2010-11-28T13:24:00.000+05:30

ಸೋನೆ ಮಳೆಯಲ್ಲಿ ನಿನ್ನ ಕಣ್ಣ ಸನ್ನೆಯದೇ ನೆನಪು ..
ಸೋಕುವ ತಂಗಾಳಿಯಲಿ ನಿನ್ನದೇ ಸುಂದರ ಕನಸು ..
ಸುತ್ತಮುತ್ತಲು ತುಂಬಿರುವ ಮಬ್ಬುಗತ್ತಲ್ಲಲ್ಲಿ ,ನಿನ್ನ ಬೆಚ್ಚನೆ ಒಲವಿನದೇ ಚಿಂತೆ ..
ಮಳೆಯ ಹನಿಗಳ ಬಿಂದುವಲ್ಲಿಯು ಕಾಣುತಿರುವುದು, ನಿನ್ನದೇ ಪ್ರತಿಬಿಂಬವಂತೆ..
ಪಾವನವಾಯಿತು ಪ್ರಕೃತಿ, ಮಳೆ ನೀರಲ್ಲಿ ತೋಯ್ದು ..
ನೂತನವಾಯಿತು ಮನವು , ನಿನ್ನ ನೆನಪಿನ ಹನಿಯಲ್ಲಿ ನೆನೆದು :) :)

2010-11-14T20:01:00.002+05:30

ಮನದ ಭಾವಗಳಿಗೆ ನದಿಯೊಂದು ಬೇಕಿದೆ..
ಆ ನದಿ ಹರಿದು ಗೆಳೆಯನ ಮನ ಸೇರಬೇಕಿದೆ ..
ಕಲ್ಲು ಹೃದಯವ ಕರಗಿಸಬೇಕಿದೆ..
ಸ್ನೇಹದ ಸುಮವ ಅರಳಿಸಬೇಕಿದೆ ..

ಅಪನಂಬಿಕೆಯ ಕಳೆ ತೆಗೆದು..
ಅಕ್ಕರೆಯ ನೀರೆರೆದು..
ಅದ ಕಾಪಾಡುವ ಹೊಣೆ ನನ್ನದೇ ಆಗಿದೆ..

ಹೂವು ಅರಳಿ ಪರಿಮಳವ ಚೆಲ್ಲಿದಾಗ,
ಗೆಳೆಯನ ಕಣ್ಣಲಿ ಸಂತಸವದು ಮಿಂಚಿದಾಗ,
ನಾ ಕಂಡ ಕನಸೆಲ್ಲ ನನಸಾಗದೇ ಆಗ..
ನಾ ಕಂಡ ಕನಸೆಲ್ಲ ನನಸಾಗದೇ ಬೇಗ ? :) :)

ತುಂಬಾ ಕೆಲಸವಿದ್ದ ಕಾರಣ ಗೆಳೆಯರ ಬ್ಲಾಗ್ ಗಳಿಗೆ ಭೇಟಿನೀಡಲು ಆಗಲಿಲ್ಲ ..ನಿಮ್ಮ ಸಹಕಾರ ಹೀಗೆ ಇರಲಿ.

2010-10-10T21:59:00.003+05:30

ಸಾಗರದ ಅಲೆ ನಾನು ..
ತಂಪು ತಂಗಾಳಿಯ ಗೆಳತಿಯು ..
ನಾವಿಬ್ಬರು ಕೂಡಿ ಆಡುತಿರಲು ,ಹುಣ್ಣಿಮೆಯ ಚಂದ್ರನಿಗೂ ಮುನಿಸು ..
ನಮ್ಮೊಡನೆ ಸೇರಲು ಪಾಪ ಅವನಿಗೂ ಮನಸು ..
ಸೇರಿಸಿಕೊಂಡು ಅವನನ್ನು ,ಆಡಲು ಹೊರಟರೆ ನಾವು ,ಚುಕ್ಕಿಗಳ ಕಣ್ಣಲಿ ನೀರು ..
ಎಲ್ಲರನ್ನು ಒಂದುಗೂಡಿಸಿ ,ಎಲ್ಲರ ಮನವೊಲಿಸಿ ಆಟ ಶುರು ಮಾಡುವುದರೊಳಗೆ,
ನಿಶೆಯು ಹೊರಟಿತು ತಾ ಮನೆಗೆ ,
ಕೊನೆಯಾಯ್ತು ಮೊದಲಾಗದ ಆಟ ಅಲ್ಲಿಗೆ !!

2010-10-03T20:41:00.002+05:30

ಮನದ ನೂರು ಭಾವಕೆ ಅರ್ಥ ಹುಡುಕಲು ಹೋಗಿ ಮನ ತೊಳಲಾಡಿದೆ..
ಯಾವುದು ಸರಿಯೋ ಯಾವುದು ತಪ್ಪೋ ತಾ ಅರಿಯದೆ ಕೊರಗಿದೆ..
ಸರಿ ಇದ್ದರು ಆಡಿದ ಮಾತು, ಹೇಳಿದ ರೀತಿ ತಪ್ಪಾದರೆ ,ನೋವೆಂಬುದು ತಪ್ಪಿದಲ್ಲ..
ಎಷ್ಟು ಕಾಡಿ ಬೇಡಿದರು,ಎಷ್ಟು ಕ್ಷಮೆ ಕೇಳಿದರು,ಕಲ್ಲಾದ ಮನವು ಕರಗದಲ್ಲ..

ಏನು ಮಾಡಲಿ ನಾನು,ನಿನ್ನ ನೋಯಿಸಬೇಕೆಂಬ ಉದ್ದೇಶ ನನ್ನದಾಗಿರಲಿಲ್ಲ..
ಕಾಲನ ಆಟಕೆ ,ಬದುಕು ಕಲಿಸುವ ಪಾಠಕೆ ಯಾರನು ದೂರುವುದು ತರವಲ್ಲ..
ಒಮ್ಮೊಮ್ಮೆ ಅನಿಸುವುದು ಬದುಕೆಷ್ಟು ಕ್ಲಿಷ್ಟವು ಭಾವನೆಗಳಿಂದ..
ಆದರೆ ಮರು ಕ್ಷಣ ಮನ ನುಡಿವುದು ಭಾವಗಳಿರದೆ ಬದುಕೆಂಬುದಿಲ್ಲ, ಮರುಳೆ ಬದುಕೆಂಬುದಿಲ್ಲ !!

2010-09-25T22:15:00.004+05:30

ಯಾರಿರಬಹುದು ಜೊತೆಯಲ್ಲಿ ನಮಗಾಗಿ ಅನುದಿನ ಅನುಕ್ಷಣ ..?
ತಂದೆ ತಾಯಿ , ಅಣ್ಣ ತಮ್ಮಂದಿರು , ಅಕ್ಕ ತಂಗಿಯರು , ಬಂಧುಗಳು , ಬಾಳ ಸಂಗಾತಿ ?
ಯಾರು ಇರಲಾರರು ಅನುಗಾಲ ಅಲ್ಲವೇ ?

ಇದಕೆಲ್ಲ ಮಿಗಿಲಾದ ಬಂಧವುಂಟು ,ಕ್ಷಣ ಕಾಲ ಅಗಲದ ಬಂಧುವುಂಟು..
ಅದರ ಹೆಸರೇ ಗೆಳೆತನ,ಅವರೇ ನಮ್ಮ ನಲ್ಮೆಯ ಗೆಳೆಯರು..

ಬಾಲ್ಯದ ಗೆಳತಿ, ಬದುಕಿನ ಜೊತೆಗಾತಿ ಆಗಬಲ್ಲಳು..
ಅಕ್ಕ- ತಂಗಿ ಏಕೆ ತಾಯಿ ಕೂಡ ಆಗಬಲ್ಲಳು ..
ಅದೇ ರೀತಿ ಗೆಳೆಯ ,ಅಣ್ಣನು-ತಮ್ಮನು ,ಗುರುವು ಅಲ್ಲದೆ ,
ಸಿಟ್ಟಾದಾಗ ಬಿಸಿ ತುಪ್ಪವು ಆಗಬಲ್ಲನು.. :)

ಏನಾದರೇನು ಏನೋದರೇನು..?
ಬೇಕು ನನಗೆ ನನ್ನ ಗೆಳೆಯರು ಗೆಳೆಯರಾಗಿಯೇ ಮರು ಜನ್ಮದಲ್ಲೂ ..
ಎಲ್ಲ ಬಂಧಕ್ಕಿಂತ, ಸ್ನೇಹ ಬಂಧವೇ ಹೆಚ್ಚು ನನಗೆ ಇಹ-ಪರದಲ್ಲೂ :) :)

ಇದರ ಅರ್ಥ ಬೇರೆ ಸಂಬಂಧಗಳಲ್ಲಿ ನನಗೆ ನಂಬಿಕೆ ಇಲ್ಲವೆಂದಲ್ಲ..
ಸಂಬಂಧಗಳಲ್ಲಿ ಗೆಳೆತನವು ಕೂಡಿದ್ದರೆ , ಅದು ತರುವ ಖುಷಿಗೆ ಸರಿಸಾಟಿಯೇ ಇಲ್ಲ :) :)

2010-09-05T18:58:00.003+05:30

ಯಾರ ಮನದಲಿ ಏನುಂಟು ಬಲ್ಲವರಾರು ..
ನಗುವ ಮೊಗದಲಡಗಿರುವ ಭಾವ ಕಂಡವರಾರು ..
ಬರಿ ಮೇಲ್ನೋಟಕೆ ಸರಿ ಇದ್ದಾರೆ ಸಾಕೆ ಜನರು ..
ನಿಜ ಬಣ್ಣ ತಿಳಿದಾಗ ಅಪರಿಚಿತರಾಗರೇ ಅವರು ..

ಯಾರು ಹಿತವರು ನನಗೆ ಎಂದು ತಿಳಿಯ ಬಯಸಿದೆ ಮನ..
ತಿಳಿಯಲೆತ್ನಿಸಿ ತಾ ಸೋತು ಮರುಗಿದೆ ದಿನ..
ಇರುವರು ಗೆಳೆಯರು ಮನದಲಿ ಜೋಪಾನವಾಗಿ ..
ಆದರೆ ಕೆಲವು ದಾರಿಯಲಿ ನಮಗೆ ನಾವೇ ಅಲ್ಲವೇ ಇರಬಹುದು ಜೊತೆಯಾಗಿ ? :) :)

2010-08-29T13:40:00.002+05:30

ಬದಲಾವಣೆ ಬೇಕಾಗಿದೆ ಮನಕೆ..
ಬದಲಾಗಲೇ ಬೇಕಾಗಿದೆ ನಾನು..
ಸುತ್ತ ಇರುವ ಸ್ಪರ್ಧೆಯ ನಡುವೆ ..
ಎದ್ದು ಓಡಬೇಕಾಗಿದೆ ನಾನು..
ಹಿಂದಕೆಳೆಯುವ ಜನರ ಹಿಮ್ಮೆಟ್ಟಿ , ಮುಂದೆ ಹೋಗಬೇಕಾಗಿದೆ ನಾನು..
ಇಷ್ಟವಿಲ್ಲದಿದ್ದರು ಸ್ಪರ್ಧೆಯು , ಕಷ್ಟಕೊಡುವವರ ಮಣಿಸಿ ಹೋರಾಡಲೇ ಬೇಕಿದೆ ನಾನು..!!
ಇರಲಿ ನಿಮ್ಮ ಪ್ರೋತ್ಸಾಹ ಹೀಗೆಯೇ ಎಂದು..
ಗೆಲ್ಲಲು ನಿಮ್ಮ ಜೊತೆಯು ಬೇಕು ಎಂದೆಂದೂ.. :) :)

2010-08-22T21:32:00.008+05:30

ನಿನ್ನದೇ ನೆನಪು ನಿನ್ನದೇ ಕನಸು ,
ನಿನ್ನದೇ ಬಿಂಬ ಕಣ್ಣ ತುಂಬಾ ..
ನೀ ಛಿದ್ರ ಮಾಡಿ ಹೋದ ಮನವೆಂಬ ಕನ್ನಡಿಯಲ್ಲಿ ..
ಎಲ್ಲಿ ನೋಡಿದರು ನಲ್ಲ ನಿನ್ನದೇ ಬಿಂಬ ..

ಎಷ್ಟು ಚಿಂತಿಸದರೇನು ಬಂತು ,ಬರುವವನಲ್ಲ ನೀ ಮತ್ತೆ ತಿರುಗಿ ..
ನಿಜವ ಒಪ್ಪಲಾರದ ಮನವಾಯ್ತು ಕಲ್ಲು ,ನಿನ್ನದೇ ನೆನಪಲ್ಲಿ ಮರುಗಿ ..
ಒಬ್ಬಂಟಿಯಾಗಿ ಇರಬಲ್ಲೇನೆ ನಾನು , ಎಂಬ ಸಂದೇಹವೇ ನಿನಗೆ ಗೆಳೆಯ ?
ಬಾಳ ಬಲ್ಲೆನು ನೀನಿರದೆ ಸುಖವಾಗಿ , ಬೇಕಾಗಿದೆ ಸ್ವಲ್ಪ ಸಮಯ ..!!

ಕಲ್ಲು ಬಂಡೆಯಾಗಿರುವ ಮನಕೆ ಬೇಕಿರುವುದು ಕೇವಲ ಸಹಾನುಭೂತಿಯಲ್ಲ..
ನಿನ್ನದು ಹುಸಿ ಪ್ರೀತಿಯೆಂಬ ನಿಜ ತಿಳಿದಾಯ್ತು ಬಹು ಬೇಗ,ಮುಂದಡಿಯಿಡಲು ನನಗೆ ಅಷ್ಟೇ ಸಾಕಲ್ಲ!

2010-08-14T20:38:00.004+05:30

ಮನದಾಸೆಯ ಸುಮಕೆ,ಒಲವಿನ ನೀರೆರದವ..
ಅದು ಅರಳಿ ನಿಂತಾಗ ,ಕಾಲಲ್ಲಿ ಹೊಸಕಿ ಹೋದವ ..
ಬದುಕೆಂಬ ದೋಣಿಗೆ ನಾವಿಕನಾಗಿ ಇದ್ದವ ..
ನೀರ ಸೆಳವು ಜೋರಾದಾಗ ,ಒಂಟಿಯಾಗಿ ಬಿಟ್ಟು ನೀರಿಗೆ ಹಾರಿದವ ..
ನೀನೆ ಅಲ್ಲವೇ ಗೆಳೆಯ ನೀನೆ ಅಲ್ಲವೇ ?

ನೂರೆಂಟು ಆಸೆಗಳ ಮನದೆ ತುಂಬಿ ..
ಅದು ನನಸಾಗುವ ಕಾಲಕೆ ಕಾಣದಂತೆ ಮಾಯವಾದವ ..
ಮತ್ತೆ ಬರುವೆನೆಂಬ ಹುಸಿ ಭರವಸೆಯ ಮನದೆ ನೆಟ್ಟು ..
ನಿನ್ನದೇ ನೆನಪಲಿ ಕೊರಗುವಂತೆ ಮಾಡಿದ ಇನಿಯ ..
ನೀನೆ ಅಲ್ಲವೇ ಗೆಳೆಯ ನೀನೆ ಅಲ್ಲವೇ ?

ಎಂದು ಬರುವೆಯೋ ನೀನು ,ಕಾದು ಕುಳಿತಿಯೇ ನಾನು ..
ಬಂದಾಗ ಹೇಳದೆ ಹೋಗಬೇಡ..
ಇರದಿದ್ದರೂ ನೀ ನನ್ನ ಜೊತೆಗೆ ..
ಬರದಿದ್ದರು ಮನದ ಮನೆಗೆ ..
ಕಾಣಿಸಿ ಹೋಗು ನಲ್ಲ ಒಮ್ಮೆ ನನಗೆ ..

ಅತ್ತು ಚೀರುವುದಿಲ್ಲ ,ನಿನ್ನ ತಡೆಯುವುದಿಲ್ಲ ..
ತೊಡಕಾಗಿ ನಿಲ್ಲೇ ನಾ , ನಿನ್ನ ದಾರಿಗೆ ..
ಸುಮ್ಮನೆ ನೋಡುವೆನು ,ಶುಭ ಕೋರಿ ಕಳಿಸುವೇನು..
ತಿರುಗಿ ನೋಡೆನು ಗೆಳೆಯ ನಿನ್ನ ಕಡೆಗೆ.

2010-08-08T20:25:00.005+05:30

ದಿನ ದಿನ ಓಡುವುದೆಷ್ಟು ಬೇಗ ..
ಕಾಲದ ಪರಿವೆ ಇಲ್ಲದಂತಾಗಿದೆ ಈಗ..
ಕಣ್ಮುಚ್ಚಿ ತೆಗೆಯುವುದರೊಳಗೆ, ಹೊಸದೊಂದು ದಿನ ತರುವ ಹೊಸದಾದ ಅವಕಾಶ ..
ರಾತ್ರಿಯಾದರೆ ಕಣ್ಮುಂದೆ ಕಳೆದು ಹೋದ ದಿನದ ಅವಶೇಷ ..
ಮೂಡಿ ಬರುವುದು ಮತ್ತೊಂದು ದಿನ ಸರಿ ಮಾಡಲು ಮಾಡಿದ ತಪ್ಪನೆಲ್ಲ ..
ಈ ಜಂಜಾಟದ ನಡುವೆ ನಮ್ಮತನ ಎಲ್ಲಿ ಹೋಯ್ತೋ ದೇವನೇ ಬಲ್ಲ ?

2010-07-18T13:38:00.003+05:30

ಸ್ನೇಹವೆಂಬ ಕಡಲ ಆಳ ಅಳೆಯುವುದೆಂದರೆ ..
ಬಾನ ಚುಕ್ಕಿಗಳ ಲೆಕ್ಕವಿಟ್ಟಂತೆ..
ಅಂಕೆಗೆ ಸಿಗದು ,ಶಂಕೆಗೆ ಜಾಗವಿರದು ..
ಸ್ನೇಹದಲ್ಲಿ ಯಾವುದೇ ಇತಿ -ಮಿತಿಗಳಿರುವುದಿಲ್ಲ..
ಸ್ನೇಹಿತರ ಕಾಳಜಿಗೆ ಯಾವುದೇ ಅಳತೆ -ಮಾಪನಗಳಿರುವುದಿಲ್ಲ ..
ದೂರವೆಷ್ಟೇ ಇದ್ದರು ,ಮಾತಾಡಿ ಎಷ್ಟೋ ದಿನಗಳಾಗಿದ್ದರು ..
ಮತ್ತೆ ಸಿಕ್ಕಾಗ ಅದೇ ಕಕ್ಕುಲತೆ ,ಅದೇ ಆತ್ಮೀಯತೆ ಇರುವುದು ..
ಕೇವಲ ಈ ಬಂಧದಲಿ , ಸ್ನೇಹ ಸಂಬಂಧದಲಿ :) :)

ನಂಬಿಕೆ

2010-07-11T22:35:00.003+05:30

ನಂಬಿಕೆಯ ಮೇಲೆ ನಿಂತಿದೆ ಜಗವೆಲ್ಲ..
ನಂಬಿಕೆಯ ಎದುರುನೋಡುವರು ಜನರೆಲ್ಲಾ..
ನಂಬಿಕೆ ಎಂದರೆ ಒಬ್ಬರ ಮೇಲೆ ಮತ್ತೊಬ್ಬರಿಗಿರುವ ವಿಶ್ವಾಸ ಅಲ್ಲವೇ ?
ಬೇರೆಯವರ ಮೇಲೆ ನಮಗಿರುವ ನಂಬಿಕೆಗಿಂತ ,
ನಮ್ಮ ಮೇಲೆ ನಮಗಿರುವ ನಂಬಿಕೆ ದೊಡ್ಡದು ಅಲ್ಲವೇ ?
ಬಂಧಗಳಲ್ಲಿ ನಮಗಿರುವ ನಂಬಿಕೆಯ ಮೇಲೆ ಬಂಧುತ್ವ ಬೆಳೆಯುವುದು ಇಲ್ಲ ಅಳಿಯುವುದು ..
ನಂಬಿಕೆಯೇ ನಿನ್ನ ಗಳಿಸುವುದೆಷ್ಟು ಕಷ್ಟವೋ ,ಅದನ್ನು ಉಳಿಸಿಕೊಳ್ಳುವುದು ಅಷ್ಟೇ ಕಷ್ಟ ..
ಆದರೇನು ಮಾಡುವುದು ?
ನಂಬಿಕೆಯ ಮೇಲೆ ನಿಂತಿದೆ ಜಗವೆಲ್ಲ..

ನಂಬಿಕೆಯ ಎದುರುನೋಡುವರು ಜನರೆಲ್ಲಾ..!! :) :)

2010-06-23T20:21:00.003+05:30

ಹಲವು ಸಲ ಮಾತಿಗಿಂತ ಮೌನವೇ ಆಪ್ತ ..
ಮಾತಿನಲ್ಲಿ ಹೇಳಲಾಗದ ನೂರು ಭಾವಗಳಿಗೆ ಮೌನವೇ ಸೂಕ್ತ ..
ಒಂಟಿತನವನ್ನು ಅಪ್ಪಿಕೊಂಡ ಮನಕೆ..
ಮಾತಿನ ಹಂಗೇಕೆ ?

ಮಾತಿನ ಮೋಡಿ ಅರಿತವರೆ ಆದರು ನಾವೆಲ್ಲರೂ..
ಮೌನ ತರುವ ನೆಮ್ಮದಿಯ ಸುಖವ ಬೇಡವೆನ್ನುವವರಾರು ?
ಬಿರು ನುಡಿಯ ನೋವಿಗಿಂತ ..
ನಸುನಗುವ ಚೆಲುವು ಚಂದವಲ್ಲವೇ ..?
ದುಡುಕಿ ನುಡಿವ ಒರಟು ನುಡಿಗಳಿಗಿಂತ..
ಕ್ಷಮೆ ಕೇಳುವ ಕಣ್ಣ ಸನ್ನೆ ಒಳಿತಲ್ಲವೇ ?

ಮಾತಾಡಲು ಏನು ಇರದಿರುವಾಗ ,ಮೌನವೇ ನೀನೆ ನಮ್ಮ ಆತ್ಮೀಯ ಗೆಳೆಯ..
ತಿಳಿಯದೆ ಮಾತಾಡಿ ಒಡೆದ ಮನಸನ್ನು ಒಂದು ಮಾಡಲು,
ಮೌನವೇ ನೀ ಇರಲೇಬೇಕು ನಮ್ಮ ಸನಿಹ..

2010-06-20T22:48:00.004+05:30

ಸ್ನೇಹವೆಂದರೆ ನಾಲ್ಕು ಸವಿ ಮಾತನಾಡಿ ಖುಷಿಪಡಿಸುವುದಷ್ಟೇ ಅಲ್ಲ ..
ನಗುವಾಗ ಜೊತೆಗಿದ್ದು , ದುಃಖ ಬಂದಾಗ ದೂರವಾಗುವುದಲ್ಲ ..
ಸ್ನೇಹಿತನ ಮನದ ಕಸಿವಿಸಿಯ ಅರಿತು ಅರಿಯದಂತೆ ನಟಿಸುವುದಲ್ಲ ..
ಕೆಲವೊಮ್ಮೆ ನೂರು ಮಾತಾಡಿ ಸಮಾಧಾನ ಮಾಡುವುದಕ್ಕಿಂತ ..
ಅವನ ಬಳಿಯಿದ್ದು ನಾನಿರುವೆ ನಿನ್ನ ಜೊತೆಯಾಗಿ ನಿನ್ನ ಎಲ್ಲ ಕಷ್ಟಗಳಲ್ಲಿ ಗೆಳೆಯ ಚಿಂತಿಸಬೇಡ ,
ಎಂಬ ನುಡಿಯು ತರುವ ಮನಸ್ಥ್ಯರ್ಯ ದೊಡ್ಡದಲ್ಲವೇ ..?

2010-06-16T21:23:00.002+05:30

ಬಣ್ಣಗಳಿಂದ ತುಂಬಿದ ಬದುಕು ನಮ್ಮದು,
ಕಣ್ಮುಂದೆ ನೂರೆಂಟು ಚೆಂದದ ಬಣ್ಣಗಳು..
ಹಸಿರುಟ್ಟು ನಗುವ ಭೂಮಿತಾಯಿಯ ಮೆಚ್ಚದವರು ಉಂಟೆ ..
ಮುಂಜಾನೆ ಮಂಜನು ಹೊತ್ತು ನಗುವ ಮಲ್ಲಿಗೆಯ ಮೊಗ್ಗ ಇಷ್ಟ ಪಡದವರು ಉಂಟೆ..
ಇನ್ನು ಸಂಜೆ ಮುಳುಗುವ ಸೂರ್ಯ ಬಿಡಿಸುವ ಆಕಾಶದ ಚಿತ್ರವ ಮರೆಯಲಾಗುವುದೇ..
ಹೀಗೆ ವರ್ಣಿಸಲು ಹೊರಟರೆ ನೂರೆಂಟು ಬಣ್ಣಗಳುಂಟು ಅಲ್ಲವೇ ?
ಇವೆಲ್ಲ ಸೇರಿ , ಕೂಡಿ ಒಂದು ಅಮೋಘ ಬಣ್ಣವನ್ನು ನಮಗಾಗಿ ನೀಡಿದೆ ..
ಅದೇ ನಮ್ಮ ಬದುಕೆನ್ನುವ ಸುಂದರ ಬಣ್ಣ , ನಮ್ಮ ಬಾಳೆನ್ನುವ ಬಣ್ಣಿಸಲಾಗದ ಬಣ್ಣ :)

2010-06-08T10:41:00.004+05:30

ಎಲ್ಲಿಂದ ಶುರು ಮಾಡಲಿ ನಿನ್ನ ಬಣ್ಣನೆಯ ಗೆಳೆಯ ..
ಮಾತುಗಳಲ್ಲಿ ಬಣ್ಣಿಸಬಲ್ಲೇನೆ ಆ ಮಧುರ ಬಂಧವನು..
ನಿನ್ನ ನೆನಪೊಂದೆ ಸಾಕು ನೂರಾನೆಯ ಬಲವಿದ್ದಂತೆ..
ನಿನ್ನ ಬಿಂಬವಿದ್ದಾಗ ಕಣ್ಣಲಿ ಎಲ್ಲಿ ಹೋದರು ನನ್ನದೇ ಗೆಲುವಂತೆ..

ನನ್ನ ಸಣ್ಣ ನೋವಿಗೂ ಮಿಡಿವ ನಿನ್ನ ಮನವ ನಾ ಅರಿಯಲೆಂತೋ,
ನನ್ನ ಪ್ರತಿಯೊಂದು ತಪ್ಪನು ಕ್ಷಮಿಸಿ ನಗುವಾಗ ನಿನ್ನ ಮುಗುಳ್ನಗೆ ತರುವ ಖುಷಿಯನು ನಾ ಮರೆಯಲೆಂತೋ ..
ಗೆಳೆತನದ ಅರ್ಥ ತಿಳಿಸಿದ ಸ್ನೇಹಿತ ಧನ್ಯವಾದಗಳು ನಿನಗೆ ..
ಇರಲಿ ಎಂದಿಗೂ ಎಂದೆಂದಿಗೂ ಈ ಸ್ನೇಹ ಸಂಬಂಧ ನಮ್ಮ ಜೊತೆಗೆ, ಜೊತೆ ಜೊತೆಗೆ :) :)

2010-05-17T10:47:00.003+05:30

ಅಳುಕದು ಮೂಡಿ ಮನದಲಿ ..
ತಳಮಳ ತಂದಿತು ಬದುಕಲಿ ..
ಬಳಿ ಇರಲು ನೀನು, ನಾ ಏಕೆ ಭಯಪಡಬೇಕೆಂದುಕೊಂಡರೆ..
ನಿನ್ನ ರೂಪದಲ್ಲೇ ಎದುರಾಗಬೇಕೆ ತೊಂದರೆ ? ?

ನೀ ಎಷ್ಟು ಸಾಂತ್ವಾನ ಹೇಳಿದರು ,
ಒಪ್ಪಲೊಲ್ಲದು ಈ ಮನಸೇಕೋ ..
ಒಡೆದ ಕನ್ನಡಿಯ ಜೋಡಿಸಬಲ್ಲೆ ,
ಎನ್ನುವ ಈ ಹುಚ್ಚು ಛಲವೇಕೋ ??
ಬಂದದ್ದು ಬರಲಿ ಬಿಡು ನಾ ಎದುರಿಸುವೆ ಒಬ್ಬಂಟಿಯಾಗಿ ..
ನೀ ಇದ್ದರು ಇರದಿದ್ದರೂ ನನ್ನ ಜೊತೆಯಾಗಿ ..

ಹೋಗಲಿ ಬಿಡು ಕ್ಷಮಿಸುವೆ ನಾ ನಿನ್ನ ಸಣ್ಣ ತಪ್ಪನ್ನು..
ಕಣ್ಣಾರೆ ನೋಡಲಾರೆ ನಾ ನಿನ್ನ ನೋವನ್ನು..
ಹೇಳಿದಷ್ಟು ಸುಲಭವಲ್ಲ ಅಲ್ಲವೇ ಗೆಳೆಯ ನಿಜ ಸ್ನೇಹವ ತೊರೆಯಲು..
ಕಾಡುವುದು ಅದರ ಸವಿ ನೆನಪು ನಮ್ಮನ್ನು ಹಗಲಿರುಳು :) :)

2010-05-02T13:56:00.002+05:30

ತಂಗಾಳಿಯ ತಂಪದು ತುಂಬಿರಲು ಮನದ ತುಂಬಾ..
ಎಲ್ಲಿ ನೋಡಿದರಲ್ಲಿ ಸ್ನೇಹದ ಪ್ರತಿಬಿಂಬ ...
ಸ್ನೇಹದ ಸಾಗರದಲ್ಲಿ ಹುದುಗಿರುವ ಮುತ್ತುಗಳು ಎನಿತೋ
ನನಗೂ ದೊರಕಿವೆ ಸ್ವಾತಿ ಮುತ್ತುಗಳು ಅದೆನಿತೋ ...
ಹೊಸ ಜನರ ನಡುವಲ್ಲಿ ಹೇಗೋ ಏನೋ ಎಂದು ಕಳವಳಪಡುತಿರುವಾಗ..
ನನಗೆ ಸಿಕ್ಕ ಅಮೂಲ್ಯ ಮುತ್ತು ರತ್ನಗಳಿವು ..
ಬೆಲೆ ಕಟ್ಟಲಾಗುವುದೇ ಸ್ನೇಹಿತರ ಸ್ನೇಹ ಪ್ರೀತಿಗಳಿಗೆ..
ಅವರ ಆತ್ಮಿಯ ನಡೆ ನುಡಿಗಳಿಗೆ :) :)

ಮುಖವಾಡ

2010-04-20T22:28:00.003+05:30

ನೋವು ತುಂಬಿರಲು ನಿನ್ನ ಮನದಲಿ
ನಗುವ ಮುಖವಾಡ ಬೇಕೇ ನಿನಗೆ ಗೆಳೆಯ ,
ನಿನ್ನ ಮೌನವ ಓದಬಲ್ಲ ನನ್ನ ಕಣ್ಣಿಗೆ ..
ನಿನ್ನ ಮುಖವಾಡ ಒಂದು ತೊಡಕೆ ಇನಿಯ ..!!

ನಿನ್ನ ಕಣ್ಣ ಸನೆಯನ್ನೇ ನಂಬಿ ನಾ ಇರುವಾಗ ..
ನಿನ್ನ ನಲಿವನ್ನೇ ನನ್ನ ಗೆಲುವೆಂದು ತಿಳಿದಿರುವಾಗ ..
ಏಕೆ ಕೊಲ್ಲುವೆ ನೀ ಸುಮ್ಮನ್ನೇ ಮೌನದ ಮುಖವಾಡ ಧರಿಸಿ ..
ಬರಬಾರದೇ ನೀ ನನ್ನ ಬಳಿಗೆ ತಪ್ಪನೆಲ್ಲ ಕ್ಷಮಿಸಿ .. :)

2010-04-11T21:00:00.001+05:30

ನೋಡಲು ಬನ್ನಿ ನಮ್ಮೂರ ..
ಎಲ್ಲಿ ನೋಡಿದರಲ್ಲಿ ಜನ ಸಾಗರ ..
ಧಾವಂತದ ಬದುಕಲ್ಲಿ ಸಿಗುವರು ಗೆಳೆಯರು ಬರಿ ವೀಕೆಂಡಿನಲ್ಲಿ ..
ಇನ್ನೆಲ್ಲ ದಿನ ಫೋನು ಎಸ್ಸಮಸ್ಸೇ ನಮಗೆ ಗತಿ ಇಲ್ಲಿ ..!!
ಏನು ಸುಖವಿದೆಯೋ ಈ ತರದ ಬದುಕಲ್ಲಿ ..
ಆದರು ಓಡುವ ಜನರ ಜೊತೆಯಲ್ಲಿ ಓಡಲೇ ಬೇಕು ನಾವಿಲ್ಲಿ ...!! :) :)

2010-04-04T13:47:00.003+05:30

ನಿನ್ನ ನೆನಪು ತರುವ ಖುಷಿಯ ,ಇನ್ನೆಲ್ಲೂ ಕಾಣೆ ನಾ ಗೆಳೆಯ ..
ನಿನ್ನ ಮೊಗವ ನೆನೆದಾಗಲೆಲ್ಲ ಮನದಲೇನೋ ರೋಮಾಂಚನ ಇನಿಯ ...
ನಿನ್ನ ಸವಿ ನುಡಿಯ ಕೇಳಲೆಂದು ಕಾದು ಕೂತಿರುವೆ ನಾ ಉಸಿರ ಬಿಗಿಹಿಡಿದು ..
ಬರಬಾರದೇ ನೀ ಬೇಗ ನನ್ನ ಬಳಿಗೆ ಮಲ್ಲಿಗೆಯ ದಂಡೆಯನ್ನಿಡಿದು :) :)

2010-03-14T16:14:00.006+05:30

ಕತ್ತಲಲ್ಲೂ ಕಾಣಬಲ್ಲೆ ನಾ ನಿನ್ನ ಮೊಗವನ್ನು ..
ಜನ ಜಂಗುಳಿಯಲ್ಲೂ ಕೇಳಬಲ್ಲೆ ನಾ ನಿನ್ನ ಪಿಸುನುಡಿಯನ್ನು..
ಸುಳಿದಾಡಿದೆ ನಿನ್ನ ಬಿಸಿಯುಸಿರು ನಾ ಇರುವಲೆಲ್ಲ ..
ನಿನ್ನ ಇರುವಿಕೆಯ ಕಂಡಿದೆ ಮನವು ಅನುದಿನವು ನಲ್ಲ ..
ಸಾಕು ಇನ್ನು ಈ ಹುಡುಗಾಟ ,ಬರಲಾರೆಯ ನೀ ಕಣ್ಣಮುಂದೆ ..
ಎಲ್ಲಿ ಹುಡುಕಲಿ ನಾ ನಿನ್ನ ,ಎಲ್ಲಿ ನೋಡಲಲ್ಲಿ ಕಂಡಿದೆ ಅಂದದ ಹುಡುಗರ ಮಂದೆ ;)

2010-03-03T21:01:00.003+05:30

ಬೆಳಕ ಅರಸಿ ಹೊರಟಿದೆ ನನ್ನ ಈ ಮನವು ,
ಅದರ ಹಿಂದೆ ಬಹು ದೂರ ಸಾಗುತಿದೆ ತನುವು ,
ಗೆಲುವೆಂಬ ಬೆಳಕ ಕಾಣ ಹೊರಟಿದೆ ಈ ಕಣ್ಣು ..
ನಡೆವಷ್ಟು ದೂರ ಕಂಡಿದೆ ಕೇವಲ ಹೊಂಗಿರಣದ ಸುಳಿವು ..
ಪೂರ್ಣ ಬೆಳಕದು ಕಾಣುವುದೆಂದು ನಾನಂತೂ ಕಾಣೆ ಮನವೇ ..
ನಡೆಯುವೆ ಈ ಹಾದಿಯಲ್ಲಿ ನಾ ನಂಬಿಕೆಯ ದೀಪವನಿಡಿದು ..
ಎಣ್ಣೆ ಮುಗಿವ ಮುನ್ನ ತುಂಬು ಹೊಂಬೆಳಕೆ ನೀ ನನ್ನ ಮೊಗವನ್ನು ,ನನ್ನೀ ಸುಂದರ ಜಗವನ್ನು :) :)

2010-02-21T15:40:00.002+05:30

ನಮ್ಮ ಬದುಕೆಂಬ ದೋಣಿಗೆ ನಾವೇ ನಾವಿಕರಂತೆ ..
ನಡೆಸುವ ಬಗೆಯ ಬದುಕೇ ನಮಗೆ ಕಲಿಸುವುದಂತೆ..
ಬಂದಾಗ ಬಿರುಗಾಳಿ ನಮ್ಮ ದಾರಿ ತಪ್ಪಿಸುವುದಂತೆ..
ಇರುವಾಗ ಅಲೆ ಶಾಂತ ಸುಲಭವಾಗಿ ದಡ ಸೇರಿಸುವುದಂತೆ..
ನೋವೇನು ನಲಿವೇನು ಚಲಿಸುವ ದೋಣಿಯಲ್ಲಿ ಎಲ್ಲವು ಕ್ಷಣಿಕ..
ಮಿತ್ರರೇನು ಶತ್ರುವೇನು ಅವನಿಗೆ ಅವನೇ ನಾವಿಕ..!!
ನಮ್ಮ ಬದುಕೆಂಬ ದೋಣಿಗೆ ನಾವೇ ನಾವಿಕರಂತೆ ..
ನಡೆಸುವ ಬಗೆಯ ಬದುಕೇ ನಮಗೆ ಕಲಿಸುವುದಂತೆ..!!

2010-02-12T20:58:00.003+05:30

ಹೊಸ ಲೋಕ ,ಹೊಸ ಜೀವನ,
ಹೊಸದಾದ ಪರಿಸರ,
ಬದುಕೇ ಹೊಸದಾಗಿದೆ ಇದೀಗ..
ಎಲ್ಲ ಹೊಸತನದ ನಡುವೆ , ಇರಬೇಕು ನಾನು ನಾನಾಗಿ..
ಬದಲಾದ ಬದುಕಲ್ಲಿ ಅರಳಬೇಕಾಗಿದೆ ನಾ ಸುಂದರ ಸುಮವಾಗಿ :) :)

ಕಾಯದಿರು ಮನವೇ ನೀ ಶುಭ ದಿನಕೆ ,ಶುಭ ಕ್ಷಣಕೆ ..

2010-01-31T17:55:00.003+05:30

ಕಾಯದಿರು ಮನವೇ ನೀ ಶುಭ ದಿನಕೆ ,ಶುಭ ಕ್ಷಣಕೆ ..
ಮನದಲ್ಲಿರೆ ಗೆಲ್ಲುವೆನೆಂಬ ಛಲ ,
ಜೊತೆಗೂಡಿರೆ ನಂಬಿಕೆಯ ಬಲ ..
ಗೆಲುವದು ನಮ್ಮ ಮುಷ್ಟಿಯಲ್ಲಿ ..
ಖುಷಿಯದು ನಮ್ಮ ಕಂಗಳಲ್ಲಿ ..
ದಿನ ಕ್ಷಣದ ಚಿಂತೆಯೇಕೆ ನಮ್ಮ ಮನದಲ್ಲಿ ?
ಕಾಯದಿರು ಮನವೇ ನೀ ಶುಭ ದಿನಕೆ ,ಶುಭ ಕ್ಷಣಕೆ ..
ಈ ದಿನವೇ ನಮಗಾಗಿ , ಈ ಕ್ಷಣವೇ ನಮ್ಮ ಸುಖಕ್ಕಾಗಿ :) :)

ಬಂದಾಯ್ತು ಶುಭ ಗಳಿಗೆ ..

2010-01-25T19:55:00.004+05:30

ಬಂದಾಯ್ತು ಶುಭ ಘಳಿಗೆ ..

ತಂದಾಯ್ತು ಸಿರಿ ಸುಖ ಮನಕೆ ..

ಕನಸೆಲ್ಲ ನಿಜವಾಯ್ತು ..

ನೋವೆಲ್ಲ ಕೊನೆಯಾಯಿತು ..

ಇರಲಿ ಈ ಖುಷಿ ಇಂದಿಗೂ , ಎಂದೆಂದಿಗೂ :)

2010-01-10T20:49:00.001+05:30

ಮನದ ಬಾಗಿಲಲ್ಲಿ ನಿನಗಾಗಿ ಕಾದಿರುವೆ ನಾ ನಲ್ಲ ..
ಏನಿದೆ ನಿನ್ನ ಮನಸಿನಲಿ ಹೇಳು ಬೇಗ ನೀ ನನಗೆ..
ಬರಬಹುದೇ ಗೆಳೆಯ ನಾ ಒಳಗೆ ..
ಇಲ್ಲ ಹೊರಡಲೇ ಬೇಕೇ ನಿನ್ನನ್ನು ಅಗಲಿ ಬಹುದೂರಕೆ..!!
ಕಾಯಬಲ್ಲೆ ನಿನಗಾಗಿ ಇಲ್ಲೇ ಈ ಜನ್ಮವೆಲ್ಲ ..
ನೀ ಒಪ್ಪಿ ಕೂಗುವ ಆ ಒಂದು ಕೂಗಿಗೆ ನಲ್ಲ !!

2010-01-03T21:20:00.003+05:30

ಸ್ನೇಹದ ರೆಕ್ಕೆ ಬೇಕಾಗಿದೆ ನನಗೆ ,
ಹೊತ್ತು ಹಾರಲು ನನ್ನ ಸ್ನೇಹಿತರನೆಲ್ಲ ...
ಪ್ರೀತಿಯ ಗೂಡು ಕಟ್ಟಬೇಕಾಗಿದೆ ನಾನು ,
ಬೇಕಲ್ಲ ನಮೆಗೆಲ್ಲ ಇರಲು ಒಂದು ಅಂದದ ತಾವು ..
ವಾತ್ಸಲ್ಯದ ಜೊತೆಗೆ ಬೇಕು ನಮಗೆ ಆತ್ಮೀಯತೆಯ ಗುಟುಕು ..
ನಮ್ಮ ಗೂಡಲಿ ಶಾಂತಿಯ ಮಂತ್ರ ನಲಿದಾಡಬೇಕು .. :)

2010-01-02T13:53:00.004+05:30

ನೀಡು ನಮಗೆ ಒಳ್ಳೆಯ ದಿನಗಳ ,
ನೀಡು ನಮಗೆ ಸುಖದ ಕ್ಷಣಗಳ ,
ತುಂಬಲಿ ಮನವೆಲ್ಲ ನಿನ್ನ ಆ ಮುಗುಳುನಗೆ ..
ತುಂಬಲಿ ಮನೆಯಲ್ಲ ನಿನ್ನ ಸುತ್ತ ಇರುವ ಆ ಹೂಗಳ ಪರಿಮಳ ..
ಹರಸು ನಮಗೆ ಓ ದೇವತೆಯೇ ನಿನ್ನ ಮನದಾಳದಿಂದ ..
ನಮದಾಗಲಿ ಈ ವರುಷ ನೂರೆಂಟು ಹರುಷ ಆನಂದ .. :)

ಎಲ್ಲ ಸ್ನೇಹಿತರಿಗೆ ಹೊಸ ವರ್ಷದ ಹಾರ್ದಿಕ ಶುಭಾಶಯಗಳು :)

2009-12-30T14:59:00.002+05:30

ಧನ್ಯವಾದಗಳು ಈ ವರ್ಷಕೆ ,
ನೀ ತಂದ ನೂರೆಂಟು ಹರ್ಷಕೆ ..
ಸಿಕ್ಕರು ಬಾಳ ದಾರಿಯಲಿ ಎಷ್ಟೊಂದು ಮಿತ್ರರು ..
ಮನದಿಂದ ದೂರದವರು ಕೇವಲ ಒಬ್ಬರೋ ಇಬ್ಬರೋ ..
ತಂದಿರುವೆ ನೀ ನನಗೆ ಸಾಕಷ್ಟು ನೆಮ್ಮದಿ ಪ್ರೀತಿ ..
ಓಡಿಸಿರುವೆ ಬಹು ದೂರಕೆ ನೋವು ದುಃಖ ಭೀತಿ ..
ಧನ್ಯವಾದಗಳು ಈ ವರ್ಷಕೆ ,
ನೀ ತಂದ ನೂರೆಂಟು ಹರ್ಷಕೆ .. :)

ಇದನ್ನು ನಾನು ಬರೆದಾಗ ಇನ್ನೂ ನಾವು ಆ ಇಬ್ಬರು ಮಹಾನ್ ವ್ಯಕ್ತಿಗಳನ್ನು ಕಳೆದುಕೊಂಡಿರಲ್ಲಿಲ್ಲ....

ಕವಲು ದಾರಿ

2009-12-21T17:44:00.002+05:30

ಬಾಳಲ್ಲಿ ಸಿಗುವುದು ನೂರಾರು ಕವಲು ದಾರಿಗಳು ..
ಎತ್ತ ನಡೆದರೆ ಸರಿ..
ತಿಳಿದವರು ಯಾರು ?
ಪ್ರತಿ ದಾರಿಯಲು ಸಿಗುವರು ಬಗೆ ಬಗೆಯ ಜನರು
ಯಾರು ನಮ್ಮವರು ಎಂದು ಬಲ್ಲವರಾರು.. ?
ನಡೆವ ದಾರಿ ಹಸಿರಾಗಲಿ ಎಂದು ಬಯಸುವಾ...
ಸಿಗುವ ಮಂದಿ ನಮ್ಮ ಜೊತೆಯಾಗಲಿ ಎಂದು ಹರಸುವಾ...

ಜೇಡರ ಬಲೆ

2009-12-17T19:55:00.006+05:30

ಬಂದಿಯಾಗಿರುವೆ ಈ ಬಲೆಯಲ್ಲಿ..
ಎತ್ತ ನೋಡಿದರು ಕಾಣದು ಹೊರಬರುವ ದಾರಿ..
ಜೇಡರ ಬಲೆಯೇ ನಾ ಸಿಕ್ಕಿ ಬಿದ್ದಿದಾದರು ಹೇಗೆ ಇಲ್ಲಿ ?
ಬಿಟ್ಟು ಬಿಡು ನನ್ನನ್ನು ....
ಬಾಳಬೇಕಾಗಿದೆ ನಾನು .. !!
ಯಾವುದೀ ಬಲೆ ಎಂದು ಗೊತ್ತೇ ನಿಮಗೆ..?
ನಮ್ಮ ಸುತ್ತ ಇರುವ ಕಾಣದ ಬಲೆಗಲಿವು ..!!
ಬಿಟ್ಟು ಬಿಡಿ ನನ್ನನ್ನು ..
ಬದುಕಬೇಕಾಗಿದೆ ನಾನು ..!!

2009-12-12T17:50:00.001+05:30

ಎತ್ತ ನೋಡಿದರತ್ತ ಮಂಜು ಮುಸುಕಿದೆ ..
ಸುತ್ತ ಮುತ್ತಲು ಕಾಡು ಹರಡಿದೆ ..
ನಡೆಯಲು ದಾರಿ ಒಂದು ಕಣ್ಣ ಮುಂದಿದೆ ..
ಮುಂದೆ ಹೋಗಲೋ ಗೆಳೆಯ ,ಇಲ್ಲ ನಿನ್ನ ಕಾಯಲೋ ?..

ಸುರಿವ ಮಂಜಲಿ ..

2009-12-02T16:19:00.004+05:30

ಸುರಿವ ಮಂಜಲಿ ..
ಕೊರೆವ ಚಳಿಯಲ್ಲಿ ..
ಜಗವೇ ಮಲಗಿದಂತಿದೆ ..
ತಿಳಿಯ ನೀರಲ್ಲಿ ..
ಸುರಿವ ಹಿಮದಲ್ಲಿ ..
ಮನವು ಮಿಂದಿದೆ ..
ಎಲ್ಲಿ ನೋಡಿದರಲ್ಲಿ ಹಿಮದ ರಾಶಿ ಕಂಡಿದೆ ..
ಪ್ರಕೃತಿಯೇ ನಿನ್ನ ಚೆಲುವ ನೋಡಲು ಎರಡು ಕಣ್ಣು ಸಾಲದೇ ..!!

ಯಾಕಾಗಿ ಬಂದೆ ನಾ ಇಲ್ಲಿಗೆ ?

2009-12-02T15:56:00.004+05:30

ಬಿಟ್ಟು ಬಂದೆ ನಾ ನನ್ನ ಜನರನ್ನು ..

ಬಿಟ್ಟು ಬಂದೆ ನಾ ನನ್ನ ಕನಸನ್ನು ..

ಬಿಟ್ಟು ಬಂದಿರುವೆ ನನ್ನ ಸವಿ ನೆನಪುಗಳನ್ನು ..

ಬಿಟ್ಟು ಬಂದಿರುವೆ ನಾ ನನ್ನನ್ನು , ನನ್ನ ಮನವನ್ನು !!

ಯಾಕಾಗಿ ಬಂದೆ ನಾ ಇಲ್ಲಿಗೆ ?

ನೆಚ್ಚಿ ಬಂದಿರುವೆ ಏನ್ನನ್ನು ಈ ನಾಡಿಗೆ ?

ನಾ ಬಂದಿರಬಹುದು ಇಲ್ಲಿ ಬಾಳುವ ಸಲುವಾಗಿ ,

ಯಾರಿಗಾಗಿ ಬಾಳಲ್ಲಿ ನಾ , ನೀ ಇರಲು ಅಲ್ಲಿ ಒಂಟಿಯಾಗಿ ?

ಮತ್ತೆ ಹುಟ್ಟಲೇ ನಾ...

2009-11-29T12:56:00.002+05:30

ಮತ್ತೆ ಹುಟ್ಟಲೇ ನಾ ನಿನ್ನ ಸಲುವಾಗಿ ..

ತುಂಬುವೆ ಖುಷಿ ನಿನ್ನ ಗೆಲುವಾಗಿ..

ಹುಟ್ಟಿ ಬರಲೇ ನಾ ನಿನ್ನ ನಗುವಾಗಿ ..

ಇಲ್ಲ ಸುತ್ತಿ ಬರಲೇ ನಾ ತಂಗಾಳಿಯಾಗಿ ..

ಏನಾಗಿ ಬರಲಿ ನಾ ಹೇಳು ನೀ ಗೆಳೆಯ ..

ಹುಟ್ಟಿ ಬರುವೆ ನಾ ನಿನ್ನ ಗೆಳತಿಯಾಗಿ ..

ಹುಟ್ಟಿ ಬರುವೆ ನಾ ನಿನ್ನ ಸಂಗಾತಿಯಾಗಿ !!!

ಕಲೆ

2009-11-19T19:04:00.002+05:30

ಕಲೆಗೆ ಸೋಲದವರೇ ಇಲ್ಲ ..

ಸುಂದರ ಚಿತ್ರ ನೋಡಲು ಮನ ಹೂವಾಗುವುದು ..

ಚಂದದ ಕವಿತೆ ಓದಲು ಮೊಗದೆ ನಗು ಮೂಡುವುದು..

ಎಲ್ಲರಲ್ಲೂ ಉಂಟು ಒಂದೊಂದು ಕಲೆ ..

ಅದ ಹೊರತರಲು ಬೇಕು ಕಲಾವಿದನಿಗೊಂದು ನೆಲೆ !!

ಏನು ಮಾಡಿದೆ ನಾ ?

2009-11-13T12:48:00.002+05:30

ಏನ ಮಾಡಿದೆನೆಂದು ನನ್ನ ತೊರೆದೆ ನೀ ?

ನಾ ಇರಲಿಲ್ಲವೇ ನಿನ್ನ ಜೊತೆ ಪ್ರತಿ ಕ್ಷಣದಲ್ಲೂ ದಿನದಲ್ಲೂ ..

ನನ್ನ ನೋವಿಗೆ ಜೊತೆಯಾಗಲ್ಲಿಲ ನೀ ,

ನನ್ನ ದನಿಗೆ ಧ್ವನಿ ಸೇರಿಸಲ್ಲಿಲ್ಲ ನೀ ,

ತಪ್ಪೆಲ್ಲ ನಿನ್ನದೇ ಆದರು ..ನೊಂದವಳು ನಾನೇ ಅಲ್ಲವೇ ?

ಏನ ಮಾಡಿದೆನೆಂದು ನನ್ನ ತೊರೆದೆ ನೀ..

ಏನ ಮಾಡಿದೆಂದು ನನ್ನ ತೊರೆದೆ ನೀ .. ? ? ?

ಸುಮಧುರ ಬಂಧ

2009-11-08T21:52:00.002+05:30

ಅದೊಂದು ಸುಮಧುರ ಬಂಧ ..

ಜನ್ಮ ಜನ್ಮದ ಅನುಬಂಧ ..

ಜೊತೆಯಲ್ಲಿದರೆ ನಾವು ..

ಬರಲೇನು ಯಾವುದೇ ನೋವು ..

ನಮಗೆ ನಾವೇ ಎಲ್ಲ ..

ಬಾಳು ಹಾಲು ಸಕ್ಕರೆ ಬೆಲ್ಲ !! :) :)

ಹೆತ್ತವರು

2009-10-28T21:31:00.000+05:30

ಬಾಲ್ಯದಲಿ ಜೊತೆಯಿದ್ದು ನಡೆಸುವರು ..

ಹರೆಯದಲ್ಲಿ ಸರಿ ದಾರಿ ತಿಳಿಸುವರು ..

ಮುಪ್ಪಲ್ಲಿ ನಮ್ಮ ದಾರಿ ಕಾಯುವರು ..

ಇರುವರು ಸದಾ ನಮ್ಮ ಜೊತೆಯಾಗಿ ,

ಬರುವರು ಹಿಂದೆ ನೆರಳಾಗಿ ..

ಕಣ್ಣಿಗೆ ಕಾಣುವ ದೇವರಿವರು ,

ಇವರೇ ನಮ್ಮ ಹೆತ್ತವರು !! :)

ನನ್ನ ಗೆಳೆಯ

2009-10-22T20:26:00.006+05:30

ನಗುತಿರಲು ನೀ ನನ್ನ ಗೆಳೆಯ , ನಾ ನಗುವೇ ..

ದುಃಖ ತುಂಬಿರಲು ನಿನ್ನೆದೆಯ , ನಾ ಕಂಬನಿ ಮಿಡಿವೆ ..

ಸದಾ ಆಶಿಸುವೆ ನಾ ನಿನ್ನ ಗೆಲುವು ..

ಬೇಡವೇ ಬೇಡ ನಿನಗ್ಯಾವ ನೋವು ..

ತುಂಬಿರಲಿ ಸದಾ ಹರುಷ ನಿನ್ನ ಬದುಕಿನಲ್ಲಿ ..

ಬೆಳಗಿರಲಿ ನಗೆ ದೀಪ ನಿನ್ನ ಮನಸಿನಲ್ಲಿ :) :)

ರಾತ್ರಿ

2009-10-19T18:06:00.006+05:30

ಬಾನಲ್ಲಿ ನಗುವ ಚಂದಿರನ ಕಂಡು ,

ನಾವೇನು ಕಮ್ಮಿ ಎನ್ನುವಂತಿದೆ ಈ ಅಲೆಗಳ ದಂಡು ..

ಚಂದ್ರಮನ ತಂಪು ನೋಟದ ಜೊತೆ ಜೊತೆಗೆ ,

ನಮಗಿದೋ ಈ ಅಲೆಗೆಳ ಇಂಪು ನಿನಾದದ ಕೊಡುಗೆ ..

ಈ ಸೊಬಗ ನೋಡುತಿರಲು ಕಣ್ಣತುಂಬಿ ಬಂದಿದೆ ,

ನಿಸರ್ಗವೇ ನಿನ್ನ ನ್ಯಜತೆಯೇ ಕಣ್ಣೆದುರು ಕಲೆಯಾಗಿ ನಿಂತಿದೆ !!

ಬೆಳಕಿನ ಹಬ್ಬ

2009-10-17T11:59:00.002+05:30

ಬೆಳಕಿನ ಹಬ್ಬಕ್ಕೆ ಕೋರುವ ಸ್ವಾಗತ

ಬೆಳಗುವ ದೀಪಗಳನು ದೇವರಿಗೆ ತಲೆಬಾಗುತ ..

ನಮ್ಮನು ತುಂಬಲಿ ದೀಪಗಳ ಬೆಳಕು ..

ಬಾಳಲಿ ತರಲಿ ಅದು ಬಂಗಾರದ ಫಲುಕು ..

ಹೊಸ ಬಟ್ಟೆಗಳ ಜೊತೆ ಹೊಸ ಭಾವಗಳು ನಮಗಿರಲಿ ..

ಈ ಹಬ್ಬ ಸಂತಸ ತರುವ ದೀವಿಗೆಯಾಗಲಿ :) :)

ಗೆಳೆತನ

2009-10-14T11:07:00.004+05:30

ಜೊತೆಗೆ ಸಾಗುವಾಗ ನಾವು ,
ನಮಗೇಕೆ ಕಲ್ಲು ಮುಳ್ಳಿನ ಚಿಂತೆ ..
ಒಂದಾಗಿ ನಡೆವಾಗ ನಾವು ,
ಈ ದಾರಿಯೇ ಶುಭ ಕೋರುವುದಂತೆ !! :)

ನಿನ್ನ ನೆನಪು

2009-10-11T20:21:00.000+05:30

ತಂಪು ತಂಗಾಳಿಯಲಿ ನಿನ್ನದೇ ನೆನಪು ..

ಸುರಿವ ಜಟಿ ಮಳೆಯಲ್ಲಿ ನಿನ್ನದೇ ಕನಸು ..

ಎಲ್ಲಿ ಕಾಣಲಲ್ಲಿ ನಿನ್ನದೇ ಸವಿ ನಗುವು ..

ನನ್ನ ಸೆಳೆಯುತಿದೆ ನಲ್ಲ , ನಿನ್ನ ಸಿರಿ ಒಲವು !!

ಉಯ್ಯಾಲೆ

2009-10-09T15:45:00.002+05:30

ಜೀವನವೇ ಒಂದು ಉಯ್ಯಾಲೆಯ ರೀತಿ ..
ಒಮ್ಮೆ ಮೇಲೆ , ಒಮ್ಮೆ ಕೆಳಗೆ ..
ಮೇಲೇರುವಾಗ ಆಕಾಶವೇ ತೋಳಲಿ ,
ಕೆಳಗಿಳಿಯುವಾಗ ನೂರಾರು ನೋವು ಕಣ್ಣಲಿ ..
ಆಟದಲ್ಲುಂಟು ಸೋಲು ಗೆಲುವು..
ಬಾಳಿನಲ್ಲೂ ಉಂಟು ಸಂತೋಷದ ನಲಿವು ಗೆಲುವು :) :)

ನನ್ನ ಪ್ರೀತಿಯ ಗೂಡು

2009-10-07T22:31:00.000+05:30

ಪ್ರೀತಿಯ ಗೂಡಿಗೆ , ನಾನೇ ತಳಿರು ತೋರಣ ..
ಈ ಮನೆಯ ಗುಡಿಗೆ , ನೀನೆ ಸಿಹಿ ಹೂರಣ ..
ನೀ ಇರಲು ಜೊತೆಯಲ್ಲಿ ,ಈ ಮನೆಯೇ ಅರಮನೆಯಂತೆ ..
ನಮಗೇಕೆ ಬೇಕು ಲೋಕದ ಅಂತೆ ಕಂತೆ !! :)

ಕಡಲು

2009-10-05T20:42:00.006+05:30

ಕಾಣದ ಕಡಲಿಗೆ ಹಂಬಲಿಸಿದೆ ಮನ ..
ಕಡಲ ಒಡಲಲ್ಲಿ ಏನು ಇರುವುದೋ ಕಾಣೆನಲ್ಲ ?
ಇರಬಹುದು ಮುತ್ತು ,ಇರಬಹುದು ಸಾವಿನ ಕುತ್ತು ..
ಆದರೆ ಇವೆಲ್ಲ ತಿಳಿವುದೇ , ಈ ಪೆದ್ದು ಮನಕೆ , ಅದರೊಳಗಿನ ಮುದ್ದು ಆಸೆಗೆ !!

ಇರುಳು

2009-10-03T16:16:00.004+05:30

ಇರುಳು ಸುತ್ತಲು ಮುತ್ತಿದೆ ..

ತಂಗಾಳಿ ಮೆಲ್ಲನೆ ಬೀಸಿದೆ ..

ಕನಸಿನ ದೋಣಿಯನು ಏರಲು , ಇಗೋ ಈ ಕಣ್ಣುಗಳು ಕಾದಿವೆ ..

ಇನ್ನೇನು ಹೊರಟಿದೆ ಇದರ ಪಯಣ ..

ಸವಿಗನಸುಗಳು ಕಣ್ಣು ತುಂಬಲಿ ಎಂದು ಹರಸೋಣ :)

ಸಂಬಂಧಗಳು

2009-10-02T23:00:00.002+05:30

ನಗುವಾಗ ಬಂಧುಗಳು ..
ನಲಿವಾಗ ಸಂಬಂಧಗಳು ..
ಧರೆಯೆ ನಾಕವಂತೆ ..
ಭುವಿಯೇ ಸ್ವರ್ಗದಂತೆ .. :)
ಜೊತೆ ಇರಲು ನಾವು ಒಂದಾಗಿ ..
ಯಾರು ನಿಲ್ಲಬಲ್ಲರು ಎದುರಾಗಿ ? :) :)

ಬೆಳಕು

2009-10-01T22:59:00.003+05:30

ಬೆಳಕೆಂದರೆ ಹೊಸ ದಿನದ ಆರಂಭ ..

ಹೊಸ ಜೀವನದ ಪ್ರಾರಂಭ ..

ಇದ್ದರೆ ಸಾಲದು ಬರಿ ಬೆಳಕು ಹೊರಗೆ ..

ಬೆಳಗಲೆ ಬೇಕು ಅದು ನಮ್ಮಿ ಹೃದಯದೊಳಗೆ .. :)

ಬೆಳಗಲಿ ಜಗವೆಲ್ಲ ಈ ಬೆಳಕಲಿ ..

ತುಂಬಲಿ ಸುಖ ಸಂತೋಷ ಮನದಲಿ :) :)

ಕನಸು

2009-09-22T19:33:00.003+05:30

ಕನಸುಗಳಿಗಿಲ್ಲ ಯಾವುದೇ ಬೇಲಿ ...

ಕನಸುಗಲ್ಲಿಳದ ಬಾಳು ಖಾಲಿ ಖಾಲಿ...

ಕನಸೆಲ್ಲ ನನಸಾಗಲು ಬೇಕು ಪರಿಶ್ರಮ ...

ಜೊತೆಗೆ ಬೇಕೆ ಬೇಕು ಮಾಡುವ ಕೆಲಸದಲ್ಲಿ ಪ್ರೇಮ :)

ನಮ್ಮೊಳಗಿನ ನಾವು

2009-09-13T12:30:00.003+05:30

ಹೊರಗೆ ಹುಸಿ ಪ್ರೀತಿ , ಒಳಗೆ ಹಸಿ ದ್ವೇಷ

ಹೊರಗೆ ನಸು ನಗು,ಒಳಗೆ ಬಿಸಿ ಕೋಪ

ಹೊರಗುಂಟು ಹಸುವಿನ ವೇಷ,ಒಳಗೆ ಹುಲಿಯ ಆವೇಶ

ನಮ್ಮೊಳಗಿನ ನಮ್ಮನ್ನು ತಿಳಿದವರು ಯಾರಿಲ್ಲ,

ನಮ್ಮನು ನಾವೇ ತಿದ್ದುವುದು ಸರಿಯಲ್ಲ !

ಜಯ

2009-09-13T12:27:00.000+05:30

ಜಯವೆಂಬುದು ಕೇವಲ ಮಾತಲ್ಲ..

ಅದೊಂದು ಸುಂದರ ಅನುಭವ..

ಸಿಗಲು ಯಶಸ್ಸು ಬಾಳಲಿ..

ಇರಬೇಕು ವಿಶ್ವಾಸ ಮನದಲಿ..

ಗೆದ್ದೇ ಗೆಲ್ಲುವೆನೆಂಬ ಛಲ ಇದ್ದಾಗ ಜೊತೆಗೆ..

ಯಾರು ಎದುರಿಲ್ಲ ನಮಗೆ :)

ಮದುವೆ

2009-09-06T21:45:00.002+05:30

ಎಲ್ಲಿಯೋ ಇರುವ ಎರಡು ಜೀವಗಳು,
ಒಂದಾಗುವವು ಈ ಬಂಧದಲಿ ...
ನೂರಾರು ಜನರು ಒಂದಗುವರು ಸಂಬಂಧದಲಿ ..
ಅರಿತು ಬೆರೆತು ಒಬ್ಬರನ್ನು ಒಬ್ಬರು,
ಜೊತೆಯಾಗುವರು ಈ ಜನ್ಮದಲಿ , ಮರು ಜನ್ಮದಲಿ !

ನೀನು

2009-09-06T21:42:00.003+05:30

ನಿನ್ನ ಏನೆಂದು ಕರೆಯಲಿ
ನಿನ್ನ ಯಾರೆಂದು ತಿಳಿಯಲಿ
ತಿಳಿಯದು ನನಗೇನು ನಿನ್ನ ವಿಷಯ
ಆದರು ಮನದೊಳಗೆ ಇರುವೆ ನೀ ಗೆಳೆಯ
ಕೆಲವೊಮ್ಮೆ ನಸು ನಗುವು,ಕೆಲವೊಮ್ಮೆ ಹುಸಿ ಮುನಿಸು
ಯಾರಾದರೇನು ನೀ ಚೆನ್ನ ?
ನೀ ಗೆಲ್ಲಬಲ್ಲೆಯೇನು ನನ್ನ !

ಗುರುವಿಗೆ ನಮನ

2009-09-05T11:17:00.001+05:30

ಗುರುವಿಲ್ಲದ ವಿದ್ಯೆ ಗುರಿ ಮುಟ್ಟದಯ್ಯ
ಗುರುವಿಲ್ಲದ ಬಾಳು ಬರಿ ಗೋಳುಯ್ಯ
ಗುರುವಿದ್ದರೆ ಬದುಕಿಗೆ , ತಿಳಿಸುವರು ಒಳಿತು ಕೆಡುಕು
ಗುರುವಿನ ಮಾತಂತೆ ನಡೆದರೆ ಸೊಗಸು ಬದುಕು
ಈವರೆಗೆ ಕಲಿಸಿದ ಎಲ್ಲ ಗುರುಗಳಿರ
ಇದೋ ನನ್ನ ಒಲವಿನ ನಮನ
ಸಾಲದು ನಿಮಗೆ ಯಾವುದೇ ಸನ್ಮಾನ !

ಹೊಸತನ

2009-09-04T12:47:00.003+05:30

ಹೊಸ ಬೆಳಗು
ಹೊಸ ಕನಸು
ಹೊತ್ತು ತರಲು ಹೊಸ ದಿನ
ಜೊತೆಗೆ ಇರಲು ಹೊಸ ಮೈ ಮನ
ಜಗವೇ ಕಿಯಲ್ಲಿ ಜಯವೆ ನಮಗಿಲ್ಲಿ
ಇದಕಿಂತ ಬೇಕ ಜೀವನ
ಈಗ ಈ ಬಾಳೆ ಹೂಬನ

ಜೀವನ

2009-09-02T20:11:00.006+05:30

ಇರುವುದೆಲ್ಲವ ಬಿಟ್ಟು ಇರದುದರೆಡೆಗೆ ತುಡಿವುದೇ ಜೀವನ
ಇರುವಾಗ ಅದೇಕೆ?
ಇರದಾಗ ಅದೇ ಬೇಕೆ ..
ಸಿಗುವಾಗ ನಿಜ ಒಲುಮೆ ನಮಗಿಲ್ಲ ಅದರ ಚಿಂತೆ
ತಿಳಿದಾಗ ಅದರ ಮಹಿಮೆ ಅದು ಸಿಗಲಾರದಂತೆ
ಹಾಗೆಂದು ಜೀವನದಲ್ಲಿ ಸಿಗುವುದೆಲ್ಲ ನಿರಾಸೆಯಲ್ಲ
ಒಳ್ಳೆಯ ದಿನಗಳು ನಮಗಾಗಿ ಕಾದಿದೆಯಲ್ಲ

ಶುಭ ಕಾಲ

2009-09-02T18:20:00.003+05:30

ಶುಭ ಕಾಲ ಬಂದಾಗ ನನಗೆ
ನೋವೆಲ್ಲ ಸರಿವುದು ಮರೆಗೆ
ಮನ ಮಿಡಿಯುತಿದೆ ಆ ಕ್ಷಣಕೆ
ನನಸಾಗಿಸಲು ತನ್ನೆಲ್ಲ ಬಯಕೆ
ಇದಕೆ ಹೊರಬೇಕಿದೆ ನಾ ಹರಕೆ
ಜೊತೆಗೆ ಬೇಕು ನಿಮ್ಮೆಲ್ಲರ ಹಾರಯ್ಕೆ

ಸುಮ

2009-09-02T17:21:00.003+05:30

ಸುಮ ಎಂದರೆ ಮೃದು
ಸುಮ ಎಂದರೆ ಮುದ
ಸುಮ ಎಂದರೆ ಅವಳೊಂದು ಜೀವ
ಅವಳಲ್ಲೂ ಉಂಟೋ ನೂರಾರು ಭಾವ
ಸುಮ ಇರಲೇ ಬೇಕಿಲ್ಲ ಯಾವಾಗಲು ಸುಮ್ಮನೆ
ಅವಳಿಗೂ ಇರಬಹುದಲ್ಲ ನೂರೆಂಟು ಕಲ್ಪನೆ
ಸುಮಾಳಿಗೆ ಬೇಕೀಗ ಎಲ್ಲರ ಸ್ನೇಹ
ಅವಳು ಪೂರಯಿಸಲು ತನ್ನೆಲ್ಲ ಧ್ಯೇಯ

ನಲಿವು

2009-08-29T10:29:00.002+05:30

ನಲಿ ನಲಿ ನಲಿವಿನ ವೇಳೆ
ಇದು ಅಳಿಯದೆ ಉಳಿಯಲಿ ನಾಳೆ
ಹೃದಯವು ಅರಳುವ ವೇಳೆ
ಸವಿ ನೆನಪಲೆ ಬರೆಯುವೆ ಓಲೆ
ದಿನ ನೆನೆದು ಕಾಯುವೆನು ನೀ ಬರೋ ದಾರಿಯಾ
ನಗು ನಗುತ ಹರಸುವೆನು ಸಿರಿ ಸುಖ ಆಶಯ

ಸ್ನೇಹ

2009-08-27T13:13:00.002+05:30

ಇರುವರು ಸ್ನೇಹಿತರು ನೂರಾರು
ಬರುವರು ಸ್ನೇಹಿತರು ನೂರಾರು
ಇರುವ ಬರುವ ಸ್ನೇಹಿತರ ನಡುವೆ
ನಮ್ಮ ಸ್ನೇಹ ಇರಲಿ ಎಂದೆಂದು
ಆ ಸ್ನೇಹದ ಸವಿ ನೆನಪು ಬರಲಿ ಎಂದೆಂದು

ಬೆಳದಿಂಗಳು

2009-08-27T12:53:00.002+05:30

ಬೆಳದಿಂಗಳ ರಾತ್ರಿ ಚೆನ್ನ
ಅದು ನಿನ್ನನ್ನೇ ನೆನಪಿಸುತಿದೆ ಚಿನ್ನ
ನಾ ಮರೆತರೆ ನಿನ್ನ
ನಾ ಮರೆತಂತಲ್ಲವೇ ನನ್ನ

ನಗು

2009-08-27T12:35:00.002+05:30

ನಗುವಾಗ ಬಾಳು ಸುಂದರ
ನಗುವಾಗ ಹಾಡು ಸುಮಧುರ
ನಗುವಾಗ ಇರಲು ನೀ ಹತ್ತಿರ
ನಮ್ಮ ಬಾಳೇ ಬಂಗಾರ, ನೀನೆ ಅದರ ಮಂದಾರ

ಭಾವನೆಗಳ ಬೆನ್ನಟ್ಟಿ

2009-08-27T12:19:00.002+05:30

ಇದಕಾಗಿ ನಾ ಬಿಟ್ಟೆನಲ್ಲೋ ಅದನು
ಇದು ಸಿಗಲ್ಲಿಲ್ಲ
ಅದು ಹೋಯಿತಲ್ಲ
ಇರುವ ಇದನು ನಾ ಗೆಲ್ಲಲೇಬೇಕು
ಗುರಿ ಮುಟ್ಟಲೇಬೇಕು
ನನ್ನ ದಾರಿಗೆ ನೀ ದಾರಿ ದೀಪವಾಗಬೇಕು
ನನ್ನ ಗೆಲುವ ನೀ ನೋಡಬೇಕು