ನಲಿವು

ನಲಿ ನಲಿ ನಲಿವಿನ ವೇಳೆ
ಇದು ಅಳಿಯದೆ ಉಳಿಯಲಿ ನಾಳೆ
ಹೃದಯವು ಅರಳುವ ವೇಳೆ
ಸವಿ ನೆನಪಲೆ ಬರೆಯುವೆ ಓಲೆ
ದಿನ ನೆನೆದು ಕಾಯುವೆನು ನೀ ಬರೋ ದಾರಿಯಾ
ನಗು ನಗುತ ಹರಸುವೆನು ಸಿರಿ ಸುಖ ಆಶಯ

ಸ್ನೇಹ

ಇರುವರು ಸ್ನೇಹಿತರು ನೂರಾರು
ಬರುವರು ಸ್ನೇಹಿತರು ನೂರಾರು
ಇರುವ ಬರುವ ಸ್ನೇಹಿತರ ನಡುವೆ
ನಮ್ಮ ಸ್ನೇಹ ಇರಲಿ ಎಂದೆಂದು
ಆ ಸ್ನೇಹದ ಸವಿ ನೆನಪು ಬರಲಿ ಎಂದೆಂದು

ಬೆಳದಿಂಗಳು

ಬೆಳದಿಂಗಳ ರಾತ್ರಿ ಚೆನ್ನ
ಅದು ನಿನ್ನನ್ನೇ ನೆನಪಿಸುತಿದೆ ಚಿನ್ನ
ನಾ ಮರೆತರೆ ನಿನ್ನ
ನಾ ಮರೆತಂತಲ್ಲವೇ ನನ್ನ

ನಗು

ನಗುವಾಗ ಬಾಳು ಸುಂದರ
ನಗುವಾಗ ಹಾಡು ಸುಮಧುರ
ನಗುವಾಗ ಇರಲು ನೀ ಹತ್ತಿರ
ನಮ್ಮ ಬಾಳೇ ಬಂಗಾರ, ನೀನೆ ಅದರ ಮಂದಾರ

ಭಾವನೆಗಳ ಬೆನ್ನಟ್ಟಿ

ಇದಕಾಗಿ ನಾ ಬಿಟ್ಟೆನಲ್ಲೋ ಅದನು
ಇದು ಸಿಗಲ್ಲಿಲ್ಲ
ಅದು ಹೋಯಿತಲ್ಲ
ಇರುವ ಇದನು ನಾ ಗೆಲ್ಲಲೇಬೇಕು
ಗುರಿ ಮುಟ್ಟಲೇಬೇಕು
ನನ್ನ ದಾರಿಗೆ ನೀ ದಾರಿ ದೀಪವಾಗಬೇಕು
ನನ್ನ ಗೆಲುವ ನೀ ನೋಡಬೇಕು